
“दवाइयें आस्तै मार्गदर्शन ते एंटीबायोटिक्स आस्तै डाक्टर दी लोड़ ऐ।”
एंटीबायोटिक ऐसियां दवाइयां नेईं न जिनेंगी बिना सोचे-समझे लेई लैता जा। इंदा इस्तेमाल डाक्टर दी सलाह कन्नै गै करना चाहिदा। अज्जकल लोक एह् मन्नन लगी पेदे न जे बस इक गोली लेई लैओ, हर तकलीफ दूर होई जाग। इयै बजह ऐ जे बमारियां ते संक्रमण इनें एंटीबायोटिक दवाइयें उप्पर भारी पवा करदे न। मैं तुंदे सारें कोला अर्ज करनां जे किरपा करियै अपनी मर्जी कन्नै दवाइयें दा इस्तेमाल करने शा बचो। एंटीबायोटिक दवाइयें दे मामले च तां इस गल्ला दा ध्यान रक्खना बड़ा जरूरी ऐ। मैं तां इयै आखगा — दवाइयें आस्तै मार्गदर्शन ते एंटीबायोटिक्स आस्तै डाक्टर दी लोड़ ऐ। एह् आदत तुंदी सेहत गी बेहतर बनाने च बड़ी मददगार साबत होग।













































